İranda yanacaq anbarında güclü yanğın baş verib

İranın Sistan və Bəlucistan əyalətinin Səravan şəhərinin Kuhak kəndində yanacaq anbarında güclü yanğın baş verib.
"Azad İran" "Telegram" kanalı bu barədə İran KİV-ə istinadən məlumat yayıb.
Məlumata görə, Kuhakda yanğınsöndürmə məntəqəsinin olmaması və Əsfəndəkdən göndərilən yanğınsöndürmə avtomobillərinin gecikməsi zərərin artmasına səbəb olub. Gələn avtomobillərdən biri isə əvvəlcə texniki nasazlıq səbəbindən işə düşməyib və yalnız təmir edildikdən sonra müdaxiləyə başlaya bilib.
Hazırda insan itkisi və ya yaralanmalarla bağlı rəsmi məlumat verilməyib.
Yerli sakinlər bildirirlər ki, bölgədə sabit iş yerlərinin olmaması səbəbilə bir çox insan risklərə baxmayaraq, yanacaq daşımaqla məşğul olur. Bu da bənzər təhlükəli hadisələrin tez-tez baş verməsinə şərait yaradır.