İbrahim Tatlısəsin qızı polisə tabe olmadı - Havaya atəş açıldı

İbrahim Tatlısəsin qızı, müğənni Dilan Çıtak Muğlanın Bodrum rayonunda polisin "Dayan" xəbərdarlığına məhəl qoymayaraq avtomobilini polis əməkdaşının üzərinə sürüb.

Turkdunyasi.az "Haber Global"a istinadən xəbər verir ki, yolun təcili yardım üçün ayrılmış zolağında hərəkət edən avtomobil polisin dayanmaq əmrinə məhəl qoymayıb. İddiaya görə, polis havaya xəbərdarlıq atəşi açaraq maşını saxlayıb.
Şəxsiyyət vəsiqəsi yoxlaması zamanı şübhəlinin müğənni Dilan Çıtak olduğu müəyyənləşib.
Çıtak "yol hərəkətinə təhlükə yaratmaq", "dayanma xəbərdarlığına əməl etməmək" və "dövlət məmuruna müqavimət göstərmək" ittihamları ilə saxlanılaraq polis bölməsinə aparılıb.
Hadisə ilə bağlı araşdırmalar davam edir.