İranda etiraz hərəkatının əsas iştirakçıları həbs ediliblər

"İrandakı etiraz hərəkatının bir neçə əsas iştirakçısı həbs edilib".

Turkdunyasi.az xəbər verir ki, bu barədə məlumatı AFP agentliyinə İran Milli Polisin rəisi Əhməd Rza Radan bildirib.
"Dünən axşam (10 yanvar - red.) iğtişaşların əsas iştirakçılarının həbsləri həyata keçirilib və onlar bütün zəruri hüquqi prosedurlardan keçdikdən sonra cəzalandırılacaqlar", - deyə o vurğulayıb.
Həbs edilənlərin sayı və şəxsiyyətləri dəqiqləşdirilmir.
Qeyd edək ki, İranda etirazlar ötən il dekabrın sonunda milli valyutanın xeyli dəyərsizləşməsi və qiymətlərin kəskin artması səbəbindən başlayıb.