İsrail ordusu "Hizbullah"ın obyektlərinə zərbələr endirir

İsrail Hərbi Hava Qüvvələrinin onlarla qırıcısı "Hizbullah"ın Livanın cənubunda yerləşən obyektlərinə zərbələr endirməyə davam edir.
Turkdunyasi.az xarici KİV-ə istinadən xəbər verir ki, bu barədə İsrail Müdafiə Ordusunun rəsmi nümayəndəsi Daniel Haqari açıqlama verib.
"Hazırda Hərbi Hava Qüvvələrinin onlarla qırıcısı Livanın cənubundakı bir neçə yerə zərbələr endirir. Biz təhdidləri məhv etməyə və "Hizbullah" terror qruplaşmasına intensiv zərbələr endirməyə davam edirik" , - deyə məlumatda qeyd olunur.
Açıqlamada həmçinin qeyd edilir ki, İsrail Hərbi Hava Qüvvələri "Hizbullah"ın yeni raket hücumu etməyə hazırlaşdığı barədə məlumat aldıqdan sonra qabaqlayıcı zərbələr endirməyə başlayıblar.