Tramp ABŞ Konstitusiyasını dəyişmək istəyir

ABŞ-nin yeni seçilmiş Prezidenti Donald Tramp ölkə Konstitusiyasına edilən 14-cü düzəlişdə təsbit olunmuş anadangəlmə vətəndaşlıq hüququnu ləğv etmək istəyir.
Turkdunyasi.az xəbər verir ki, o, bu barədə "NBC News"a müsahibəsində bildirib.
"Biz buna son qoymalıyıq", - deyən siyasətçi bu haqqı gülünc adlandırıb.
Beləliklə, 47-ci prezident ABŞ vətəndaşlığı olmayan, lakin bu ölkədə uşaq dünyaya gətirən valideynlərin övladlarının vətəndaşlıq hüququnu əlindən almaq istəyir.
Trampın sözlərinə görə, belə bir qayda guya yalnız ABŞ-də tətbiq edilir, lakin bu, dünyanın 30-dan çox ölkəsində konstitusiya səviyyəsində təsbit olunub.