Hindistan 3 şəhəri vurdu, Pakistandan cavab: ölənlər artdı

Hindistan Pakistanın üç şəhərinə raket zərbələri endirib.
Turkdunyasi.az xəbər verir ki, bu barədə Pakistan ordusunun ictimaiyyətlə əlaqələr şöbəsinin baş direktoru general-leytenant Əhməd Şərif Çaudri məlumat verib.
Onun sözlərinə görə, Hindistan ordusunun hədəfi Pəncab əyalətinin Bahavalpur və Azad Kəşmirin iki şəhəri - Kotli və Müzəffərabad olub.
O qeyd edib ki, Hindistanın hücumu cavabsız qalmayacaq.
***
Pakistan üç şəhərinə endirilən raket zərbələrinə cavab olaraq Hindistandakı hədəfləri vurub.
Bu barədə “Samaa TV” məlumat yayıb.
Qeyd edək ki, Hindistanın Pakistanın üç şəhərinə raket zərbələri endirməsindən sonra rəsmi İslamabad hava məkanını bağlayıb.
***
Hindistan silahlı qüvvələrinin Cammu və Kəşmirin Pakistanın nəzarətində olan hissəsinə endirdiyi zərbələr nəticəsində azı 2 nəfər ölüb, 12 nəfər yaralanıb.
Bu barədə Pakistan Silahlı Qüvvələrinin məlumatında deyilir.
Onun sözlərinə görə, Hindistan iki məscidə hücum edib.
***
Hindistanın Pakistanda mülki infrastruktura endirdiyi raket zərbələri nəticəsində ölənlərin sayı 8 nəfərə çatıb.
Məlumata görə, bunu Pakistan Ordusunun ictimaiyyətlə əlaqələr şöbəsinin baş direktoru general-leytenant Əhməd Şərif Çaudri deyib.
Onun sözlərinə görə, Hindistanın hərbi təcavüzü nəticəsində 35 nəfər yaralanıb.
General əlavə edib ki, Hindistan Hərbi Hava Qüvvələri Pakistanda 6 hədəfə 24 zərbə endirib.
***
Hindistan ordusunun Pakistana endirdiyi hava zərbələri nəticəsində ölənlərin sayı 26 nəfərə çatıb.
Bu barədə "Röyters" Pakistan ordusuna istinadən məlumat verib.
Yaralıların sayı isə 46 nəfərə çatıb.