Yevlaxda qanvermə aksiyası keçirilib-Foto

Yevlaxda qanvermə aksiyası keçirilmişdir

“Konstitusiya və Suverenlik İli” çərçivəsində Yevlax Şəhər İcra Hakimiyyətinin dəstəyi, “Yevlax rayon Mərkəzi Xəstəxanası” publik hüquqi şəxsinin Yevlax Rayon Mərkəzi Xəstəxanasının birgə təşkiltçılığı ilə Milli Hematologiya və Transfuziologiya Mərkəzinin Qan Bankının tibb müəssisəsi tərəfindən qanvermə aksiyası keçirilmişdir.

Turkdunyasi.az xəbər verir ki, aksiya hemofiliya və talassemiya kimi irsi qan xəstəliklərindən əziyyət çəkənlərin qan ehtiyatını artırmaq məqsədilə təşkil olunmuşdur.
Aksiyaya zamanı vətəndaşlar əvvəlcə xəstəxananın və Milli Hemotologiya və Transfuziologiya Mərkəzinin həkim briqadası tərəfindən müayinədən keçirilmiş, hər bir donordan yalnız sağlamlığı müəyyənləşdirildikdən sonra qan götürülmüşdür. Qanvermə aksiyasında 200 nəfərə yaxın rayon sakini könüllü iştirak etmişdir. Toplanan qan laboratoriya müayinəsindən keçirildikdən sonra Mərkəzi Qan Bankına təhvil verilmişdir.