

E-mail: turkdunyasi.az@mail.ru
Anar Tağıyev Yevlax rayon Bəydili kəndində səyyar qəbul keçirib -Foto

Anar Tağıyev Yevlax rayon Bəydili kəndində səyyar qəbul keçirib
Turkdunyasi.az xəbər verir ki, Yevlax Şəhər İcra Hakimiyyətinin Başçısı Anar Tağıyev vətəndaşların müraciətlərini və mövcud problemlərini yerindəcə öyrənib həllini sürətləndirmək məqsədilə növbəti səyyar vətəndaş qəbulunu rayonun Bəydili kəndində keçirmişdir.
Səyyar qəbulda rayonun hüquq mühafizə orqanlarının rəhbərləri, Yevlax Şəhər İcra Hakimiyyəti Başçısının müavinləri, şöbə müdirləri, dövlət orqanlarının yerli idarələrinin, xidmət sahələrinin rəhbərləri və kənd sakinləri iştirak etmişdir.
Şəhər İcra Hakimiyyətinin Başçısı tərəfindən sakinlərin müraciətləri həssaslıqla dinlənilmiş və onları narahat edən problemlər məsul şəxslərin iştirakı ilə araşdırılaraq həlli ilə bağlı tədbirlər müəyyənləşdirilmişdir. Həlli vaxt tələb edən məsələlər nəzarətə götürülməklə aidiyyəti təşkilat rəhbərlərinə müvafiq tapşırıqlar verilmişdir.
Sakinlər onlara göstərilən diqqət və qayğıya görə Möhtərəm Prezidentimiz, Müzəffər Ali Baş Komandanımız cənab İlham Əliyevə və Birinci vitse-prezidentimiz hörmətli Mehriban xanım Əliyevaya öz minnətdarlıqlarını bildirmişlər.