Azərbaycan Jurnalistlər Birliyinin və Yazıçılar Birliyinin üzvü, Səxavət Süleymanov tərəfindən Cənab Prezidentə müraciət:

Azərbaycan Jurnalistlər Birliyinin və Yazıçılar Birliyinin üzvü, iki çağırış parlament seçkilərində namizəd, ixtisasca müəllim, şair Səxavət Süleymanov — Səxavət Kəlbəcərli tərəfindən Cənab Prezidentə müraciət:

Zar kəndində hal-hazırda yüzlərlə evin, obyektin, yol və infrastrukturun tikintisi aparılır. Lakin bu qədər genişmiqyaslı və strateji əhəmiyyətli bir ərazidə tibbi məntəqənin və təcili yardım maşınının olmaması insan həyatı üçün ciddi təhlükə yaradır.

Cənab Prezidentin Kəlbəcərin bərpası üçün ayırdığı 120 milyon manatlıq dövlət vəsaitinin bu cür məsuliyyətsiz, nəzarətsiz və qeyri-peşəkar şəkildə istifadə olunması həm dövlətə, həm də insan həyatına qarşı açıq hörmətsizlikdir.

Tikinti işlərini həyata keçirən Amazon şirkətinin rəhbəri, Goranboy–Naftalan seçki dairəsindən deputat Anar Məmmədov, bu qədər vacib layihəni nəzarətsiz buraxmaqla bərabər, şirkətin icrasını Laçınlı Əbülfət adlı bir şəxsin öhdəsinə verib. Təəssüf ki, bu şəxs nə tikinti təhlükəsizliyi, nə də əmək və tibbi təminatla bağlı qanunlara əməl edir.

İşçilər arasında dəfələrlə əlləri, qolları kəsilən insanlar olub, lakin təcili yardım xidmətinin olmaması səbəbilə parçanı yandıraraq dezinfeksiya etmək kimi primitiv üsullara əl atılıb. Ən sadə ağrıkəsici dərman belə yoxdur!

Bu, təkcə səhlənkarlıq deyil, açıq-aşkar insan həyatına qarşı törədilmiş cinayətdir!

Biz bu cinayətin iştirakçılarını məsuliyyətə cəlb etməyə çağırırıq. Dövlətin nüfuzu və vətəndaşın həyatı heç bir məmurun səhlənkarlığına qurban verilməməlidir!

Prezidentin etimadı və xalqın ümidi ilə gerçəkləşən bu bərpa prosesi — məsuliyyət, şəffaflıq və insan dəyəri üzərində qurulmalıdır!

Qarşı tərəfin də mövqeyini işıqlandırmağa hazırıq