Yevlaxda kənd təsərrüfatının siyahıyaalınması ilə bağlı maarifləndirici görüş keçirilib

Yevlaxda kənd təsərrüfatının siyahıyaalınması ilə bağlı maarifləndirici görüş keçirilib 

Turkdunyasi.az xəbər verir ki, Yevlax Şəhər İcra Hakimiyyətinin inzibati binasında Şəhər İcra Hakimiyyəti və Şəhər Statistika İdarəsi tərəfindən  kənd təsərrüfatının siyahıyaalınması ilə bağlı sayıcıları qarşıda duran vəzifələr barədə ətraflı məlumatlandırmaq, onların praktiki hazırlığını artırmaq və siyahıyaalma prosesinin düzgün, keyfiyyətli həyata keçirilməsini təmin etmək məqsədilə maarifləndirici görüş keçirilmişdir. 
Görüşdə Yevlax Şəhər İcra Hakimiyyəti Başçısının birinci müavini, "2025-ci ildə Yevlax rayonunda keçiriləcək kənd təsərrüfatının siyahıyaalınmasına yardım Komissiyası"nın sədri Xaliq Əliyev, Yevlax şəhər Statistika İdarəsinin rəisi Saleh Cəfərov,digər aidiyyəti qurumların məsul şəxsləri, nəzarətçilər və sayıcılar iştirak etmişlər.
Görüş zamanı siyahıyaalmanın iyulun 15-dən avqustun 15-dək keçiriləcəyi, bu prosesin kənd təsərrüfatı sahəsində dəqiq statistik məlumatların əldə olunması baxımından xüsusi önəm daşıdığı qeyd edilib, həmçinin sayıcılara zəruri məlumatlar təqdim olunub, planşetlərlə işləmə qaydası və gündəlik fəaliyyət planı izah olunmuş,eyni zamanda, qarşıya çıxa biləcək texniki və praktiki çətinliklərlə bağlı izahlı tövsiyələr verilmişdir.
Görüşün gedişində iştirakçıları maraqlandıran suallar cavablandırılmışdır.