Anar Tağıyev Əxşam kənd sakinlərilə görüş keçirib-Foto

Əxşam kənd sakinlərinin müraciətləri dinlənilmişdir

Turkdunyasi.az xəbər verir ki, Yevlax Şəhər İcra Hakimiyyətinin Başçısı Anar Tağıyev sakinləri narahat edən məsələləri yerində araşdırmaq və mövcud problemlərin aradan qaldırılmasını təmin etmək məqsədilə növbəti səyyar qəbulunu rayonun Əxşam kəndində keçirmişdir. Səyyar qəbulda Şəhər İcra Hakimiyyətinin Başçısı Anar Tağıyev, İHB-ı aparatının məsul şəxsləri, rayonun hüquq-mühafizə orqanlarının, idarə, müəssisə və xidmət sahələrinin rəhbərləri iştirak etmişlər.
Səyyar qəbulun gedişində sakinlərin müxtəlif mövzularla əlaqədar müraciətləri dinlənilmiş, qaldırılan məsələlərin  bir qismi yerindəcə həll olunmuş, araşdırılmasına ehtiyac olan bir sıra məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilmişdir. Şəhər İcra Hakimiyyətinin səlahiyyətlərinə aid olmayan məsələlərlə bağlı sakinlərə qanunamüvafiq izahat verilmişdir.
Məlumat üçün bildiririk ki, Şəhər İcra Hakimiyətinin Başçısı Anar Tağıyev tərəfindən rayonda davamlı olaraq vətəndaşlarla görüşlər keçirilir, onların müxtəlif məsələlərlə bağlı müraciətlərinin, ərizə və şikayətlərinin həll olunması üçün tədbirlər görülür.