Yevlax Şəhər İcra Hakimiyyətində 2025-ci ildə rayonda yaş barama istehsalının yekunlarına həsr olunmuş görüş keçirilib-Foto

Yevlax Şəhər İcra Hakimiyyətində 2025-ci ildə rayonda yaş barama istehsalının yekunlarına həsr olunmuş görüş keçirilib

Turkdunyasi.az xəbər verir ki, tədbirdə çıxış edən Yevlax Şəhər İcra Hakimiyyətinin Başçısı Anar Tağıyev  qeyd etmişdir ki, "Azərbaycan Respublikasında baramaçılığın və ipəkçiliyin inkişafına dair 2018–2025-ci illər üçün Dövlət Proqramı”nın təsdiq edilməsi haqqında Ölkə Prezidenti cənab İlham Əliyevin 27 noyabr 2017-ci il tarixli Sərəncamından irəli gələn vəzifələr Yevlax rayonunda da uğurla yerinə yetirilir. Dövlət başçısının tapşırıq və tövsiyəsinə uyğun olaraq, son illər rayonda kənd təsərrüfatının ənənəvi və ixracyönümlü sahələrindən olan baramaçılığın inkişafı istiqamətində mühüm işlər görülüb. Respublikamızın digər bölgələrində olduğu kimi, rayonumuzda da baramaçılığın keçmiş şöhrətinin qaytarılması ilə əlaqədar vacib addımlar atılmış, kümçülüyün müasir infrastrukturu yaradılmışdır. 2025-ci ildə rayonda 58 nəfər kümçü tərəfindən 100 qutu ipək qurdu toxumu bəslənərək 3870,5 kq yaş barama istehsal olunmuşdur. Hər qutuya düşən yaş barama istehsalı 38,7 kq təşkil etmişdir.
Tədbirin sonunda baramaçılıqda yüksək nəticə əldə edən kümçülər Şəhər İcra Hakimiyyətinin Fəxri Fərmanları ilə təltif olunmuşlar.