DİN: Əziz və hörmətli media nümayəndələri!

Əziz və hörmətli media nümayəndələri!

Azərbaycan milli mətbuatının 150 illik yubileyi münasibətilə Sizi səmimi qəlbdən təbrik edir, ən xoş arzularımızı çatdırırıq.

Ötən dövrdə şərəfli inkişaf yolu keçən və bu gün özünün tarixi yubileyinə böyük nailiyyətlərlə qədəm qoyan Azərbaycan mətbuatı xalqın maariflənməsində, cəmiyyətin tərəqqisində və dövlətçilik ənənələrinin möhkəmləndirilməsində əvəzsiz rol oynamışdır.

Fədakar və çox gərəkli əməyinizin dövlətimiz tərəfindən yüksək qiymətləndirilməsi jurnalist fəaliyyətinə verilən ali dəyərin bariz ifadəsidir.

Ölkədə ictimai asayişin və təhlükəsizliyin təmin olunması, eləcə də hüquqi maarifləndirmə sahəsində səmərəli və işgüzar münasibətlərimizi böyük məmnunluqla qeyd edir, hər birinizə təşəkkürümüzü bildiririk.

Bu əlamətdar tarixdə Sizə möhkəm can sağlığı, yeni-yeni yaradıcılıq uğurları və fəaliyyətinizdə davamlı nailiyyətlər arzulayırıq.

DİN-nin mətbuat xidməti