Daşkəsən rayonunun Xoşbulaq kəndində daxili yollarda təmir işləri aparılıb-Foto

Daşkəsən rayonu üzrə infrastrukturun yaxşılaşdırılması istiqamətində həyata keçirilən tədbirlər çərçivəsində Xoşbulaq kəndində daxili yollarda cari təmir işləri görülüb.

Turkdunyasi.az xəbər verir ki, Daşkəsən Rayon İcra Hakimiyyəti  tərəfindən daxili imkanlar hesabına gerçəkləşdirilən təmir işləri zamanı kəndin əsas və ara yollarında yaranmış çatlar, çalalar və digər nasazlıqlar aradan qaldırılıb. Yol örtüyünün bərpası məqsədilə qum-çınqıl qarışığı tökülüb, zəruri hallarda texnika ilə hamarlama və sıxlaşdırma işləri yerinə yetirilib, çətin keçilən yollar artıq daha rahat və təhlükəsiz hala gətirilib.
Bununla yanaşı, su axarlarının normal fəaliyyətini təmin etmək üçün yolların kənarında yağış sularının axıdılması üçün nəzərdə tutulan arxlar təmizlənib.
Xoşbulaq kəndinin sakinləri aparılan təmir işlərini müsbət qiymətləndirərək, bu addımın kəndin ümumi abadlaşdırılması və nəqliyyat əlaqələrinin yaxşılaşdırılması baxımından əhəmiyyətli olduğunu bildirirlər.