Orxan Abbasov Çıraqlı kəndində vətəndaşların növbəti səyyar qəbulunu keçirib -Foto

Avqustun 4-də Daşkəsən Rayon İcra Hakimiyyətinin başçısı Orxan Abbasovun Çıraqlı kəndində keçirilən səyyar qəbulunda rayonun hüquq-mühafizə orqanlarının, idarə, müəssisə, xidmət sahələrinin rəhbərləri, ərazi icra nümayəndəsi, bələdiyyə sədri və kənd sakinləri iştirak ediblər.

Turkdunyasi.az xəbər verir ki, icra başçısı Orxan Abbasov giriş nitqində bildirib ki, sakinlərlə səyyar qəbul və görüşlər Prezident cənab İlham Əliyevin vətəndaş məmnunluğunu əsas prinsip kimi müəyyən edən rəhbərlik fəlsəfəsinin tərkib hissəsidir. Bu görüşlər əhalinin ehtiyac və tələblərini bilavasitə özlərindən eşitmək, problemləri yerində öyrənib operativ həll yollarını müəyyənləşdirmək məqsədi daşıyır.
Səyyar qəbul zamanı kənd sakinlərinin müxtəlif mövzularda müraciətləri dinlənilib.
Vətəndaşların müraciətlərini fərdi qaydada dinləyən icra başçısı Orxan Abbasov aidiyyəti üzrə tapşırıq və tövsiyələrini verib. Qaldırılan məsələlərin bir qismi yerində həll olunub, araşdırılmasına ehtiyac olan məsələlər isə icrası və ya müvafiq qurumlara çatdırılması üçün nəzarət qaydasında qeydiyyata götürülüb.
Qəbulda iştirak edən Çıraqlı kənd sakinləri göstərilən diqqət və qayğıya görə Prezident cənab İlham Əliyevə və Birinci vitse-prezident hörmətli Mehriban xanım Əliyevaya minnətdarlıqlarını bildiriblər.
bildiriblər.