Yevlax Rayon Polis Şöbəsi və Mərkəzi Aran Regional Təhsil İdarəsinin birgə təşkilatçılığı ilə maarifləndirici görüş keçirilib

Yevlax Rayon Polis Şöbəsi və Mərkəzi Aran Regional Təhsil İdarəsinin birgə təşkilatçılığı ilə  “Erkən nikahlara və narkomaniyaya qarşı mübarizə” mövzusunda maarifləndirici görüş keçirilib

Turkdunyasi.az xəbər verir ki, tədbirdə Yevlax Rayon Polis Şöbəsinin rəisi polis polkovniki Rüstəm Cəfərov, Mərkəzi Aran Regional Təhsil İdarəsinin müdiri Həmid Qasımov, eləcə də idarənin tabeliyində fəaliyyət göstərən ümumi və məktəbəqədər təhsil müəssisələrinin direktorları iştirak ediblər.

Görüşdə erkən nikahların və narkomaniyanın qarşısının alınmasına yönəlmiş maarifləndirici söhbətlər aparılıb, mövzular ətrafında geniş fikir mübadiləsi təşkil olunub, iştirakçıların sualları ətraflı cavablandırılıb və gələcəkdə profilaktik tədbirlərin daha da gücləndirilməsi ilə bağlı təkliflər irəli sürülüb.