Ucar Rayon Polis Şöbəsinin təşkilatçılığı ilə 4 saylı tam orta məktəbdə maarifləndirici tədbiri keçirilib.

Ucar Rayon Polis Şöbəsinin təşkilatçılığı ilə 4 saylı tam orta məktəbdə “Narkomaniyaya və erkən nikaha yox deyək” mövzusunda maarifləndirici tədbiri keçirilib.

Turkdunyasi.az xəbər verir ki, görüşdə çıxış edən RPŞ-nin əməkdaşları, eləcə də digər iştirakçılar narkotik maddələrin qanunsuz dövriyyəsinin qarşısının alınması istiqamətində ölkə ərazisində aparılan qabaqlayıcı tədbirlərdən, həmçinin narkotik vasitələrin insan həyat və sağlamlığı üçün yaratdığı təhlükələrdən, sağlam gənc nəslin yetişməsindəki mənfi təsirlərindən danışıblar. 

Görüşdə erkən nikah mövzusuna da toxunulub və bu cür halların qanunla qadağan olunduğu iştirakçıların nəzərinə çatdırılıb.

Tədbirin sonunda məktəbliləri maraqlandıran suallar cavablandırılıb.