Cəlilabad meşələri qan ağlayır

Azerinfo.az xəbər portalına etibarlı mənbədən daxil olan məlumata görə, Masallı Regional Mrşə Təsərrüfatı Mərkəzinin Göytəpə meşəbəyliyinin 17 saylı dolayında adları "Qırmızı Kitab"a düşmüş orta və xırda diametirli azad, dəmirağac və digər yemişan, palıd cinsindən olan ağaclar kəsilib.
40 hektar ərazidə 400 -dən çox ağac kəsilib. Kəsilən ağacların bir qismi yeni (son 3 ayın) kəsiləndir və yeni kəsilən ağacların üzərinə izi itirmək üçün isə yaş palçıq da çəkilib.

Bir də kəsilən ağacların heç birinin üzərində damğa yoxdur.
Hələ bu azmış kimi Mərkəzin direktoru Əlzamin Talıbov sözügedən dolayın gözətçisi olan Orxan Abasova mart 2022-ci il tarixdə mükafat da yazıb kı, guya bu şəxs meşələri yaxşı mühafizə edir.

Eyni zamanda, Orxan Abasov 300 hektar meşə ərazisi biçənək yeri kimi satıb və pulları da yığılıb bir başa Əlzamin Talıbova ötürülür.

Xahiş edirik Baş Prokurorluq bu işi nəzarət götürüb bir tədbir görsün, əks təqdirdə meşələr əldən gedir.

Qarşı tərəfi dinləməyə hazırıq