Türkiyəyə səyahət edənlərin NƏZƏRİNƏ: Test məcburiyyəti aradan qaldırıldı

Türkiyəyə giriş qaydaları yenilənib.
Bu barədə ölkənin Daxili İşlər Nazirliyinin yaydığı məlumatda bildirilir.
Qeyd edilir ki, “Ölkəyə giriş tədbirləri” dünyada epidemiyanın gedişində baş verən qlobal proseslərə uyğun olaraq müəyyən edilib.
“Bu kontekstdə, koronavirus pandemiyası ilə bağlı mövcud vəziyyəti nəzərə alaraq, iyunun 1-dən etibarən bütün sərhəd qapılarından ölkəyə daxil olmaq üçün girişdən maksimum 72 saat əvvəl mənfi nəticəli hansısa PCR testi və ya 48 saat ərzində verilmiş mənfi nəticəli sürətli anticisim testi tələb olunmayacaq”, - deyə məlumatda vurğulanır.
Mənbə: Anadolu