NATO-dan Türkiyə ilə bağlı iki ölkəyə ÇAĞIRIŞ
NATO Parlament Assambleyasının Litvada keçirilən baş assambleyasında avropalı siyasətçilər Türkiyənin həssaslıqlarının qarşılanmasını tələb edərək, İsveç və Finlandiyanı güzəştə getməyə çağırıblar.
“Hurriyet” xəbər verir ki, ABŞ və Böyük Britaniya İsveç və Finlandiyanın Ankaranın NATO-ya üzvlüklə bağlı narahatlığını təmin etməsində israrla pərdəarxası danışıqlar aparır və Türkiyənin xeyrinə lobbiçilik ediblər.
NATO Parlament Assambleyasının Litvada keçirilən Baş Assambleyasının iclasının əsas gündəm bəndi İsveç və Finlandiyanın NATO-ya üzvlüyü olub. Vilnüsdə 27-30 may tarixləri arasında keçirilən görüşdə Türkiyənin həssaslığı avropalı siyasətçilər tərəfindən anlayışla qarşılanıb. Toplantıda İsveç və Finlandiyaya Türkiyə ilə anlaşıb,ortaq razılığa gəlinməsi barədə çağırışlar olub.