"Türk dünyasında Axısxa türklərinin yeri" mövzusunda Zoom platformasında görüş keçirilib

"Əbədi Birlik" Gənclər İctimai Birliyi və "Əbədi Birlik" Türk Dünyası Komitəsinin təşkilatçılığı ilə "Türk dünyasında Axısxa türklərinin yeri" mövzusunda Zoom platformasında görüş keçirilib.

Turkdunyasi.az xəbər verir ki, görüşün fəxri qonağı Azərbaycanda yaşayan Axısxa Türkləri "Vətən" İctimai Birliyinin sədri Şahin Əlyevin açılış nitqi ilə başlayıb. Mövlud İşık tərəfindən "Axısxa türklərinin tarixi", "Axısxa türklərinin sürgünü", "Türkdilli xalqların birliyi" mövzularına toxunulmuşdur. Mövlud İşık öz çıxışında Azərbaycan dövlətinə Axısxa türklərinə qucaq açdığı üçün dərin təşəkkürünü bildirmiş, Ümummilli Lider Heydər Əliyevin Axısxa türklərinə qarşı diqqətini hörmətlə yada salmışdır. 

Gənclərdə maraq doğuran suallar cavablandırılmışdır.

Son olaraq "Əbədi Birlik" Gənclər Birliyinin sədri Şahin Əliyev Mövlüd İşıka dəvəti qəbul edib, gəncləri maarifləndirdyi üçün təşəkkürünü bildirmişdir.