12 Qar yağacaq, bəzi çaylardan sel keçəcək - XƏBƏRDARLIQ

Sabahdan Azərbaycanın ayrı-ayrı yerlərində hava şəraitinin leysan xarakterli olacağı, dağlıq rayonlarında qar yağacağı ehtimalı var.
Turkdunyasi.az xəbər verir ki, bu barədə Milli Hidrometeorologiya Xidməti məlumat yayıb.
Bildirilib ki, noyabrın 29-u günün birinci yarısında Quba-Qusar zonasında, noyabrın 30-da isə Lənkəran-Astara zonasının bəzi yerlərində havanın arabir yağıntılı olacağı gözlənilir.
Çaylarda sululuğun artacağı, xüsusilə də Lənkəran-Astara bölgəsinin bəzi çaylarından qısamüddətli daşqın və sel keçəcəyi ehtimal olunur.