Yardımlı rayon polis şöbəsinin təşkilatçılığı ilə Anzov kənd məktəbində görüş keçirilib

Yardımlı Rayon Polis Şöbəsinin təşkilatçılığı ilə Anzov kənd tam orta məktəbində narkomaniya, erkən nikah və kiberdələduzluğa qarşı mübarizə mövzusunda maarifləndirici görüş keçirilib.

Turkdunyasi.az xəbər verir ki, çıxış edən Yardımlı RPŞ-nin rəis müavini polis polkovnik-leytenantı Vüqar Bəhmənov zərərli vərdişlər və erkən nikah kimi neqativ halların sağlam cəmiyyətin formalaşmasına təhdid yaradan amillər olduğunu diqqətə çatdırıb. 

Bundan başqa tədbir iştirakçılarına onlayn alış-veriş zamanı, sosial şəbəkələrdən gələn müxtəlif şirnikləndirici qazanc təkliflərinə qarşı diqqətli olmaq, kart və şəxsi məlumatları qarşı tərəfə ötürməmək barədə tövsiyələr də verilib.