Lənkəranda polis əməliyyatı – 18 kiloqram narkotik vasitə dövriyyədən çıxarıldı-Foto

Lənkəranda polis əməliyyatı – 18 kiloqram narkotik vasitə dövriyyədən çıxarıldı

Turkdunyasi.az xəbər verir ki, Lənkəran Şəhər Rayon Polis Şöbəsinin əməkdaşlarının həyata keçirdiyi əməliyyat tədbirləri nəticəsində narkotik vasitələrin qanunsuz dövriyyəsi ilə məşğul olan şəxslər saxlanılıb. Şamaxı sakini 65 yaşlı Əzizağa Səlimli, Cəlilabad sakinləri 42 yaşlı Rəcəb Mahmudov və 44 yaşlı Anar İsmayılovdan ümumilikdə 18 kiloqram tərkibinə psixotrop maddələr qatılmış marixuana aşkar edilərək götürülüb.

İlkin araşdırmalarla müəyyən olunub ki, saxlanılan şəxslər maddi qazanc müqabilində narkokuryerliyə cəlb ediliblər və narkotik vasitələri ayrı-ayrı ünvanlara çatdırmağı planlaşdırıblar.

Faktla bağlı cinayət işi başlanılıb, istintaq tədbirləri davam etdirilir.