Qaraçuxur qəsəbəsində narkotiklərin qanunsuz dövriyyəsinə qarşı növbəti əməliyyat

Qaraçuxur qəsəbəsində narkotiklərin qanunsuz dövriyyəsinə qarşı növbəti əməliyyat

Turkdunyasi.az xəbər verir ki, Suraxanı Rayon Polis İdarəsinin 32-ci Polis Bölməsinin əməkdaşları tərəfindən keçirilən tədbir zamanı narkotik vasitələrin qanunsuz dövriyyəsində şübhəli bilinən 38 yaşlı Tural Ələkbərov saxlanılıb. Onun üzərindən 3 kiloqram tərkibinə zərərli maddələr əlavə edilmiş marixuana aşkarlanaraq götürülüb.

İlkin araşdırmalarla müəyyən edilib ki, T.Ələkbərov narkotik vasitəni şəxsiyyəti istintaqla müəyyən edilən İran vətəndaşı vasitəsilə əldə edib və maddi qazanc müqabilində ayrı-ayrı ünvanlara çatdırmağı planlaşdırıb.

Faktla bağlı Cinayət Məcəlləsinin müvafiq maddəsi ilə cinayət işi başlanılıb, məhkəmənin qərarı ilə barəsində həbs qətimkan tədbiri seçilib. Araşdırmalar davam etdirilir.