Həbsxanaya sümüyün içində heroinin keçirilməsinin qarşısı alınıb

Ədliyyə Nazirliyinin Penitensiar xidmətinin əməliyyat aparatının əməliyyat-axtarış tədbirləri nəticəsində Bakı istintaq təcridxanasına narkotik maddə keçirilməsinin qarşısı alınıb.

Turkdunyasi.az xəbər verir ki, bu barədə Penitensiar Xidməti məlumat yayıb.
Həbs olunmuş şəxs Orxan Məsim oğlu Gülməmmədova xalası oğlu tərəfindən gətirilmiş sovqata baxış keçirilən zaman ət yeməyində olan sümüyün içərisində xüsusi üsulla gizlədilmiş bir ədəd bükülüdə 1.137 qram heroin aşkar olunub.
Faktla bağlı araşdırma aparılır.