Qaxa istirahətə gedən iş adamının meyiti tapıldı

Qaxda istirahətdə olan Bakı sakini evdə ölü tapılıb.

Turkdunyasi.az Oxu.Az-ın məlumatına istinadla xəbər verir ki, hadisə rayonun Qaşqaçay kəndində baş verib. Bakı şəhər sakini, 1958-ci il təvəllüdlü Elçin Məmmədov Qax rayonundakı evinə istirahət məqsədilə gedib. Dünən axşam saatlarında onun yaşadığı evdə meyiti aşkar edilib.
Məlumata görə, əslən Qax rayonundan olan E.Məmmədov Bakıda bizneslə məşğul imiş. O, bir neçə gün öncə istirahət məqsədilə rayondakı evinə gedibmiş.
Faktla bağlı araşdırma aparılır.