Bakının mərkəzində BMW yandı

Yasamal rayonu, Mikayıl Müşfiq küçəsində minik avtomobilində yanğın baş verib.

Turkdunyasi.az xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, dərhal FHN-in Dövlət Yanğından Mühafizə Xidməti Yasamal Rayon Yanğından Mühafizə Hissəsinin müvafiq qüvvələri hadisə yerinə cəlb olunub.
Yanğınsöndürənlərin operativ müdaxiləsi sayəsində yanğın qarşısı alınaraq qısa müddətdə söndürülüb.
Yanğın nəticəsində BMW markalı minik avtomobilinin salon və yük hissəsi yanıb.
Avtomobilin qalan hissəsi yanğından mühafizə olunub.