Gəncədə üç nəfər bıçaqlandı

Gəncə şəhərində 3 nəfər bıçaqlanıb.

Turkdunyasi.az Oxu.Az-ın məlumatına istinadla xəbər verir ki, hadisə Gəncə şəhəri, Gülüstan qəsəbəsində baş verib.
1997-ci il təvəllüdlü Kəlbəcər rayon sakini Emin Məmmədov, 2001-ci il təvəllüdlü Röyal Rüstəmov və qardaşı Rahib Rüstəmov bıçaqlanıblar.
Yaralılar xəstəxanaya yerləşdiriliblər.
Polis əməkdaşlarının keçirdikləri əməliyyat nəticəsində hadisəni törətməkdə şübhəli bilinən, əslən iranlı olan Azərbaycan vətəndaşı, 1995-ci il təvəllüdlü Fərmənd Cənaqərd Məhəmməd Cavad Əziz Şəmkir rayonu ərazisində saxlanılıb.
Faktla bağlı cinayət işi başlanıb.