Mingəçevirdə qıza görə dava: 30 yaşlı kişi ürəyindən bıçaqlandı

Mingəçevirdə bıçaqlanma hadisəsi baş verib.

Turkdunyasi.az xəbər verir ki, Oxu.Az-ın məlumatına görə, hadisə avqustun 13-ü saat 1 radələrində Mingəçevir şəhəri Nizami küçəsində baş verib.
2004-cü il təvəllüdlü Yevlax rayon sakini Rəşad Məmmədov şəhər ərazisində bir xanıma sevgi mesajı yazıb. Bundan həmin xanımın qohumu 1995-ci il təvəllüdlü İbrahim Tahiri xəbər tutub və o, R.Məmmədovla görüşərək mübahisə edib. Mübahisə nəticəsində R.Məmmədov İ.Tahirini ürəyindən bıçaqlayıb.
Daxili İşlər Nazirliyinin Mətbuat Xidmətinin regional qrupundan Oxu.Az-a bildirilib ki, əməli törədən R.Məmmədov polis əməkdaşları tərəfindən saxlanılıb.
Faktla bağlı istintaq araşdırmaları aparılır.