Beyləqanda "QAZel" "Khazar" ilə toqquşub: Dörd nəfər xəsarət alıb

Beyləqanda yol-nəqliyyat hadisəsi baş verib, xəsarət alanlar var.

Turkdunyasi.az APA-ya istinadən xəbər verir ki, hadisə rayonun Birinci Aşıqlı kəndi ərazisində qeydə alınıb.
Belə ki, "QAZel" markalı nəqliyyat vasitəsi "Khazar" markalı minik maşını ilə toqquşub. Nəticədə dörd nəfər xəsarət alıb.
Yaralılar Beyləqan Rayon Mərkəzi Xəstəxanasına çatdırılıb.
Faktla bağlı araşdırma aparılır.