DİN: Ölkədə böyük narkotik partiyası aşkarlanıb

Polis əməkdaşları tərəfindən narkotik vasitələrin qanunsuz dövriyyəsinə qarşı keçirilən əməliyyat tədbirləri nəticəsində yanvarın 27-də ölkə ərazisində ümumi çəkisi 76,1 kiloqramdan artıq narkotik vasitə və 1522 ədəd güclü təsiredici xassəyə malik həb aşkar edilərək götürülüb.
Bu barədə Daxili İşlər Nazirliyinin Mətbuat Xidmətindən Turkdunyasi.az-a məlumat verilib.
Bildirilib ki, narkotiklərin qanunsuz dövriyyəsinə qarşı qətiyyətli mübarizə tədbirləri polis orqanları tərəfindən davam etdirilir.