Bakıda “KamAZ” avtomobilin üzərinə aşdı, yük yola dağıldı - FOTO

Bakının Qaradağ rayonunda yol-nəqliyyat hadisəsi baş verib.
Lent.az APA-ya istinadən xəbər verir ki, hadisə Bakı-Qazax şossesinin Lökbatan qəsəbəsi ərazisinə düşən hissəsində qeydə alınıb.
“Nissan” markalı minik maşınını idarə edən sürücü yüksək sürətlə baş yolda olan “KamAZ” markalı yük maşınına çırpılıb.

Nəticədə “KamAZ”-ın içərisindəki yük yola dağılıb.
Yük maşını isə minik avtomobilinin üzərinə aşıb.
Qəza nəticəsində “Nissan”-nın sürücüsü xəsarət alıb.
Fakt araşdırılır.