Bakıda YPX maşını qəzaya düşdü: Polis xəsarət aldı/ VİDEO

Bakıda Mirzəyev Niftulla İlham oğllunun idarə etdiyi Yol Patrul Xidməti (YPX) avtomobili qəzaya düşüb.
 
Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli Modern.az-a bildirib ki, hadisə Ziya Bünyadov prospektindəki tuneldə baş verib.
 
DYP rəsmisinin sözlərinə görə, YPX avtomobili su daşıyan maşınla toqquşub:
 
"Qəzadan öncə tunelin içərisini yuyulduğundan, yer sürüşkən olub. Toqquşma nəticəsində Bakı Şəhər Dövlət Yol Polisi İdarəsinin əməkdaşı, polis serjantı müxtəlif dərəcəli bədən xəsarətləri alıb. Xəstəxanaya yerləşdirilən polisin vəziyyəti orta-ağır olaraq qiymətləndirilir”.
 
Faktla bağlı Cinayət Məcəlləsinin 263-cü (Yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.

Faktla bağlı araşdırma aparılır.