Yanğın Xaçmaz-Xudat avtomobil yolunu bağladı, insanlar təxliyə edilirlər - YENİLƏNİB + FOTO/VİDEO

Xaçmaz-Xudat avtomobil yolu bağlanıb. 
"Report"un Şimal bürosu xəbər verir ki, buna səbəb Xaçmaz rayonunun Müşkür kəndi yaxınlığında baş verən yanğın hadisəsidir. 
Məlumata görə, hazırda Gəndob-Yalama yolu istiqamətindən keçən hissədə müvəqqəti postlar qurulub, nəqliyyat vasitələri alternativ yollara yönləndirilir.
Güclü külək yeni yanğın ocaqlarının yaranmasına səbəb olur, bu səbəbdən qabaqlayıcı tədbirlər görülür.
Ərazidəki istirahət mərkəzinin və yanacaqdoldurma məntəqəsinin əməkdaşları təxliyə olunublar.
15:16
Xaçmazda meşə massivində yanğın başlayıb.
APA-nın şimal bürosunun verdiyi məlumata görə, yanğın Xaçmaz-Xudat yolunun kənarında meşəlik ərazidə qeydə alınıb. Alovun qarşısını almaq üçün əraziyə Xaçmaz Dövlət Yanğından Mühafizə Bölməsinin yanğınsöndürən maşını və canlı qüvvəsi cəlb olunub.