Bakıda gənc oğlan, Yevlaxda kişi itkin düşdü

Bakıda 16 yaşlı gənc itkin düşüb.
“Report” xəbər verir ki, hadisə iyulun 28-i saat 20:00 radələrində Binəqədi rayonunda qeydə alınıb.
Belə ki, rayon sakini, 2006-cı il təvəllüdlü Həsənov Səbuhi Habil oğlu yaşadığı mənzildən
çıxaraq bir daha geri qayıtmayıb. Hadisə ilə bağlı Binəqədi Rayon Polis İdarəsinin 5-ci Polis Bölməsində araşdırma aparılır.
Yevlax rayonunda isə 38 yaşlı kişi itkin düşüb.
Hadisə iyulunun 29-da rayonun Aran qəsəbəsində qeydə alınıb. Belə ki, qəsəbə sakini, 1984-cü il təvəllüdlü Əliyev Rüfət Fərrux oğlu yaşadığı evdən çıxaraq naməlum istiqamətə gedib və bir daha geri qayıtmayıb. Faktla bağlı Yevlax Rayon Polis Şöbəsində araşdırma aparılır.