Bakıda yaşayış binasında yanğın oldu

Bakıda yaşayış binasında yanğın olub.
Turkdunyasi.az xəbər verir ki, bu barədə Fövqəladə Hallar Nazirliyi (FHN) məlumat yayıb.
Bildirilib ki, Yasamal rayonunda hündürmərtəbəli yaşayış binasının 6-cı mərtəbəsində ümumi sahəsi 119 m² olan 3 otaqlı mənzilin mətbəxində 1 m² sahədə mebel və 1 ədəd qabyuyan maşın yanıb. 
Mənzilin qalan hissəsi yanğından mühafizə olunub. 
Yanğın yanğından mühafizə bölmələri tərəfindən söndürülüb.