Goranboyda yanğın oldu: Tüstüdən zəhərlənən var

Goranboy rayonunun Yolqulular kəndində tövlə və ot tayası yanıb, bir nəfər tüstüdən zəhərlənib.
“Report”un məlumatına görə, kənd sakininə məxsus fərdi yaşayış evin həyətində olan ümümi sahəsi 90 kvadratmetr olan tövlədə başvermiş yanğın zamanı ev bir nəfər tüstüdən zəhərlənib və xəstəxanaya aparılıb.
Onun şəxsiyyəti dəqiqləşdirilir.
Yanğın yerinə Fövqəladə Hallar Nazirliyinin Goranboy rayon Yanğından Mühafizə Hissəsinin yanğınsöndürən maşınları və canlı qüvvəsi cəlb olunub və yanğın söndürülüb.
Hadisənin səbəbləri araşdırılır.