Bakıda yaşayış binasında yanğın baş verib - FOTO

Bakının Nəsimi rayonunda yanğın hadisəsi qeydə alınıb.
APA xəbər verir ki, hadisə Azadlıq prospekti ilə Dilarə Əliyevə küçəsinin kəsişməsində yerləşən yaşayış binasında başlayıb. Binanın girişindəki məişət tullatıları konteynerində başlayan yanğın elektrik kabellərinə keçib. Yanğın nəticəsində su boruları partlayaraq həyətə girişi məhdudlaşdırıb.
Yanğın baş verən binaya elektrik, qaz və su verilişi dayandırılıb.
Hadisə yerində FHN-in yanğınsöndürən komandası işləyir.