Binəqədidə yanğın baş verib

Bakının Binəqədi rayonunda, DSX yolu adlanan ərazidə yanğın hadisəsi qeydə alınıb.

Məlumata görə, yanğın fərdi yaşayış evində baş verib. Hadisə yerinə FHN əməkdaşları cəlb olunub.

Yanğının səbəbi və dəymiş ziyanın həcmi hələ ki bəlli deyil.

Fövqəladə Hallar Nazirliyindən bildirilib ki, fərdi yaşayış evində baş vermiş yanğın FHN-in yanğından mühafizə qüvvələrinin çevik müdaxiləsi sayəsində genişlənməsinə imkan verilmədən qısa müddətdə söndürülüb.

Turkdunyasi.az