Bakıda Sirkin yanında atışma olub, 3 nəfər yaralanıb –Biri tələbədir /VİDEO

Bakıda atışma olub.
Hadisə Bakı Dövlət Sirkinin yaxınlığında qeydə alınıb.
Silahlı insidentlə bağlı əraziyə hüquq-mühafizə orqanlarının əməkdaşları cəlb edilib. Hadisə nəticəsində 3 nəfərin xəsarət aldığı bildirilir.
Hadisə “Vurğun Residence”nin qarşısında baş verib.
Paytaxtın Nəsimi rayonunda 3 nəfərin odlu silahdan açılan atəşdən yaralanması ilə bağlı polisə məlumat daxil olub.
Bakı Dövlət Sirkinin yaxınlığında baş verən hadisə ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib.
Bu barədə  TƏBİB-dən bildirilib.
Əlavə məlumat veriləcək.
APA-nın əldə etdiyi məlumata görə, xəsarət alanlardan biri tələbədir.