Cəlilabadda avtomobil 80 yaşlı kişini vuraraq öldürdü

Cəlilabad şəhərinin Qurtuluş prospektində 80 yaşlı kişini minik avtomobil vurub.
“Report”un məlumatına görə, hadisə zamanı 1943-cü il təvəllüdlü Yaqub Əliyev xəsarət alıb.
Y.Əliyev Cəlilabad Rayon Mərkəzi Xəstəxanasına aparılıb. Yaralıya açıq kəllə küt travması, sağ təpə gicgah nahiyəsinin əzilmiş-cırılmış yarası, sağ baldırın orta aşağı açıq-qapalı və çoxsaylı sınıqları diaqnozu qoyulub.
Y.Əliyev həkimlərin səyinə baxmayaraq, xəstəxanada vəfat edib.
Faktla bağlı araşdırma aparılır.