Füzulidə 51 yaşlı kişini avtomobil vurub

Füzuli rayonunda piyadanın xəsarət alması ilə nəticələnən yol-nəqliyyat hadisəsi baş verib.
“Report”un məlumatına görə, yolu keçən 1972-ci il təvəllüdlü Əli Rizvan oğlu İsmayılovu avtomobil vurub.
Yaralı təcili tibbi yardımın köməyi ilə xəstəxanaya çatdırılıb. Müayinə zamanı ona sağ ayağın sınığı diaqnozu qoyulub.
Faktla bağlı araşdırma aparılır.