Gəncədə “Lada Priora” ilə VAZ toqquşdu: Xəsarət alan var - FOTO

Gəncədə xəsarətlə nəticələnən yol-nəqliyyat hadisəsi baş verib.
APA-nın məlumatına görə, şəhərin Şah İsmayıl Xətai prospektində hərəkətdə olan “Lada Priora” markalı avtomobillə VAZ markalı maşın toqquşub.
Qəza nəticəsində bir nəfərin xəsarət aldığı bildirilir.
Hadisə yerinə Dövlət Yol Polisi (DYP) əməkdaşları cəlb olunub.
Faktla bağlı araşdırma aparılır.