Avtomobil kanala düşdü: Ailənin 4 üzvü öldü

Türkiyədə avtomobil su kanalına düşüb.
APA NTV-ə istinadən xəbər verir ki, hadisə Kilisin Elbəyli rayonunda baş verib.
Nəticədə 4 nəfər ölüb, batmaq təhlükəsi ilə üzləşən 3 nəfər isə xəstəxanaya aparılıb.

Qəzada ölən şəxslər sürücü - 51 yaşlı Tuncay Güngör, onun həyat yoldaşı 43 yaşlı Hedik Güngör, qızları 20 yaşlı Dilan Güngör və 9 yaşlı Nur Güngördür.
Hadisənin səbəbləri araşdırılır.