Masallıda qətl: 40 yaşlı kişinin ölümünə görə 24 yaşlı oğlan tutuldu

Masallıda baş verən qətl hadisəsinin təfərrüatları məlum olub.
Turkdunyasi.az xəbər verir ki, qətl hadisəsini törətməkdə şübhəli bilinən 24 yaşlı İsrafil Cavadov Sabirabad rayon, qətlə yetirilən 40 yaşlı Sirus Mehdiyev isə Samux rayon sakinləridir.

Onlar Masallıya parnik qurmaq üçün gediblər. Onların ötən gecə kirayə qaldıqları evdə spirtli içki qəbul edib, daha sonra mübahisə etdikləri bildirilir. Mübahisə zəminində bıçaqlanma olub, Sirus Mehdiyev çoxlu qan itirməsi nəticəsində ölüb.
Onun meyiti aidiyyəti üzrə təhvil verilib.