Azərbaycan komandası Avropa çempionatının qalibi olub

Azərbaycan İdman Akademiyasının futzal komandası Xorvatiyanın Zaqreb şəhərində universitetlər arasında keçirilən Avropa çempionatının qalibi olub.

Turkdunyasi.az xəbər verir ki, komandamız finalda İspaniya təmsilçisi "Valensiya" ilə qarşılaşıb. Rəqibini 7:2 hesabı ilə məğlub edən Azərbaycan komandası qitə çempionu adına layiq görülüb.
Komandanın Avropa çempionatında iştirakı Azərbaycan Tələbə Futbol Federasiyası İctimai Birliyinin təşkilatçılığı, AFFA, Elm və Təhsil İşçiləri Həmkarlar İttifaqının, Azərbaycan Həmkarlar İttifaqları İdman Təşkilatları Assosiasiyasının və Azərbaycan İdman Akademiyasının dəstəyi ilə baş tutub.