Qazaxıstan millisi Bakıda Azərbaycan yığması ilə birgə məşqlərə qoşuldu - FOTO

Qazaxıstanın cüdo üzrə milli komandası Bakıda Azərbaycan yığması ilə təlim-məşq toplanışına başlayıb.
Oxu.Az xəbər verir ki, qazaxıstanlılar ölkəmizə 29 cüdoçu ilə gəlib.
Qonaqların 23 gənc, 6 böyük idmançısının qoşulduğu təlimdə əsas məqsəd cüdoçuların beynəlxalq yarışlara hazırlıqlarının təkmilləşdirilməsi, onların taktiki biliklərinin artırılması və yarış təcrübələrinin daha da gücləndirilməsidir.
Qeyd edək ki, təlim-məşq toplanışı aprelin 22-nə kimi davam edəcək.