Deputatdan kredit faizləri ilə bağlı TƏKLİF

“Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili məsələni təqdim edərkən Elman Rüstəmova təşəkkür etməli idi. Çünki o, uzun müddət ölkənin bank sektorunun rəhbəri vəzifəsində işləyib”.
RİATV.Az bildirir ki, bunu Milli Məclisin iclasında deputat Siyavuş Novruzov deyib.
Siyavuş Novruzov təklif edib ki, Azərbaycanda kreditlər birrəqəmli faizlərlə verilməlidir:
“Ümid edirəm ki, yeni tərkib ölkənin pul-kredit sistemini uğurla həyata keçirəcək”.
Qeyd edək ki, parlamentin iclasında deputatlar Elman Rüstəmovun Mərkəzi Bankın İdarə Heyətinin üzvlüyündən azad edilməsinə müsbət yanaşıb.
Elman Rüstəmovun yerinə isə Taleh Kazımov seçilib.