Bayram günlərində otellərin qiyməti niyə qalxır?

Bizim.Media-ya açıqlamasında iqtisadçı ekspert Natiq Cəfərli bildirib ki, bölgələrdə otellərin baha olmasının iki ən böyük səbəbi var: 
“Birinci səbəb quru sərhədlərinin hələ də məntiqsiz olaraq qapalı olması, ölkə daxilində ancaq gediş-gəlişin sərbəstliyi, bayramlarda da insanlar ölkə daxilində istirahətə üz tuturlar.
İkinci səbəb isə rəqabətsizlik mühitidir. Bu sahədə rəqabət yoxdur. Regionlarımızda otellərin sayı azdır və insanlar da sadəcə o otellərə üz tutmağa məcbur olurlar və bunun da nəticəsində otellərdə qiymətlər iki və üç dəfəyə qədər bahalaşır. Ümid edirik ki, qarşıdakı illərdə otellərin sayı artar və rəqabət güclənər".